മുഖരേഖ

 മനോമയി  

✿❀✿❀✿❀✿❀✿❀✿❀✿❀✿❀

ഇന്നലെ കണ്ട സ്വപ്നത്തിലാഹാ 

വന്നു കണ്മുന്നില്‍ ആലോലമാടി 

ചെന്ന് തൊട്ടാലോ എന്ന് തോന്നും 

ചന്തം തികഞ്ഞൊരു ചാരുനേത്ര ! 

ഏതു ഗോളാന്തര ലോകത്തു നിന്നും 

ഭൂതലം തന്നിലിറങ്ങുന്നു സുവാസിത ,

ഏതൊരജന്താ ശില്പത്തിൻ ലാവണ്യം 

അന്തരംഗത്തിൽ നിറയ്ക്കുന്നിതംഗന !

വാരിധി തന്നിലങ്ങോളമിങ്ങോളം

ചാരുത ഇത്രമേലുള്ളതിതെന്തിനോ 

ശാരികക്കണ്ണും ശുകിരുധിരാധരം 

പാരിതിൽ ഇമ്മട്ടിലേതു മനോമയി ?

വന്നു പ്രഹാസത്താല്‍ തൊട്ടും തലോടിയും 

പിന്നെ വക്ഷസില്‍ ചേർത്തൊന്നമർത്തിയും 

തെന്നിമാറിയും അരികിലേക്കൊഴുകിയും 

ആരെയും എരിതീയിലുരുക്കും മനോമയി !

മതിയെന്നു തോന്നും വരേയ്ക്കും കിനാവില്‍ 

മതിമുഖി കാത്തു നിന്നില്ലൊരല്‍പ്പവും 

മാഞ്ഞു തുഷാരം വെയിലേറ്റയെന്നപോല്‍ 

മറഞ്ഞെന്റെ നിദ്രയും  രാവുടനീളവും ...!!!