.

Pages

Saturday, April 2, 2016

ആത്മഹത്യകള്‍


രുഭൂമിയിലേക്കുള്ള യാത്രയില്‍ 
തിരിഞ്ഞു നോക്കരുത് 
ആവാഹിച്ചെടുത്ത ആത്മധൈര്യത്തില്‍ 
വെള്ളം ചേര്‍ക്കരുത് 
ഉറ്റവളുടെ കണ്ണുകളിലെ 
നഷ്ടബോധത്തിന്‍റെ ജലാശയങ്ങളില്‍ 
മുങ്ങിത്താഴരുത് 
മുന്നോട്ടുള്ള പ്രയാണത്തില്‍ വെറുതെ 
ഒരു പിന്‍വിളിക്ക് കാതോര്‍ക്കരുത് 
പകരം.... 
കണ്ണിനും കഴ്ച്ചയ്ക്കുമിടയില്‍ 
കറുത്തൊരു തിരശ്ശീല തൂക്കണം 
കരളിന്‍റെ സ്ഥാനത്ത്‌ കനത്തൊരു 
കരിങ്കല്ല് വെയ്ക്കണം,   
തേങ്ങലുകള്‍ പിറക്കുന്ന കണ്ഠത്തില്‍
അരക്കുരുക്കി ഒഴിയ്ക്കണം, 
മുന്നോട്ട് ചലിയ്ക്കുന്ന പാദങ്ങളെ 
പിന്നോട്ട് വിളിക്കുന്ന മനസ്സിനെ 
ചാട്ടവാറിനാല്‍ പ്രഹരിയ്ക്കണം ,
അലറിയടിക്കുന്ന വിരഹത്തിരയില്‍ 
അടി പതറാതെ നില്‍ക്കണം, 
ആകെയുലയ്ക്കുന്ന സങ്കടക്കൊടുങ്കാറ്റില്‍  
ഹൃദയം നിലയ്ക്കാതെ നോക്കണം....
  
ഞാനിങ്ങനെയോക്കെയാണ് ഒരു  
മരുഭൂയാത്രയ്ക്ക് തയ്യാറെടുക്കുന്നതും
ഒരു മടക്കയാത്ര വരേക്കെങ്കിലും 
ആത്മഹത്യ ചെയ്യുന്നതും......!!!. 

2 comments:

  1. മനസ്സിൽ തട്ടുന്ന കവിത. അതെ ഒരു ആത്മഹത്യ. അത് എന്തിനെന്നു തൂക്കി അളന്നു നോക്കണം.

    സർഗ ഭാരതി എന്ന ഒരു മാസിക ഉണ്ട്.തിരുവനന്തപുരത്ത് നിന്നും പ്രസിദ്ധീകരിക്കുന്നത്. പി. നാരായണ കുറുപ്പ് മുഖ്യ പത്രാധിപർ. അതിലേയ്ക്ക് കവിത അയയ്ക്കാം. sargabharathi.masika@gmail.com എന്ന വിലാസത്തിൽ. പബ്ലിഷ് ചെയ്യാത്ത കവിത.

    ReplyDelete
  2. നന്ദി ബിപിന്‍ ജി ...ശ്രമിക്കാം ....

    ReplyDelete