ഉണ്ണീ ഉറങ്ങുറങ്ങു
പൊന്നേ ഉറങ്ങുറങ്ങു
വർണ്ണ കിനാ കണ്ണിലായ്
കുന്നോളം കണ്ടുറങ്ങു....
ചന്തമെഴുന്നൊരന്തി
ഇന്ദുകലയും കൂടി
മന്ദാര പൂ വിടർത്തും
ചെന്താരം നിറഞ്ഞ ഭംഗി !
അല്ലീയുറങ്ങുറങ്ങു അച്ഛന്റെ
മല്ലിപ്പൂ മുത്തുറങ്ങൂ
അല്ലലില്ലാ പുലരീ -വിടരാന്
മുല്ലപ്പൂ മൊട്ടുറങ്ങൂ....
അംബരം മുട്ടോളമീ , നൊമ്പരം
നെഞ്ചകം തിങ്ങി വിങ്ങി
അമ്പിളിപ്പൂവുറങ്ങാൻ , പൊന്നേ
അച്ഛനെ കേട്ടുറങ്ങൂ...
തായയില്ലാത്തോരല്ലല് നിന്നെ
തെല്ലുമുലച്ചിടാതെ
താതനാം ഞാനില്ലേ , കൂടെ
കുഞ്ഞേ ഉറങ്ങുറങ്ങൂ.....
No comments:
Post a Comment