Thursday 22 November 2012

ദിശായന്ത്രം

സീമന്ത രേഖയിലെ സിന്ദൂരം മായ്ച്ച്
താലിയറുത്ത് വെള്ള ചുറ്റി
എന്നില്‍നിന്ന് നീ ദൂരേക്ക്‌ മറഞ്ഞെന്ന്
ഞാനുറപ്പിക്കുന്നു ...
ജീവിതത്തിലെ ദിശ കാണിക്കുന്ന യന്ത്രം
കളഞ്ഞുപോയോടുവില്‍
ദിക്കറിയാത്ത മരുഭൂമിയിലിപ്പോള്‍
ഞാനും ഒറ്റക്കാവുന്നു ..
നിനക്ക് മാത്രം പകര്‍ന്നേകാവുന്ന
വിചാരങ്ങളും വികാരങ്ങളും
ഇനി എന്നില്‍തന്നെ ഞാന്‍
കുഴിവെട്ടി മൂടാം ...
എനിക്ക് മാത്രം അവകാശപ്പെട്ട
നിനക്ക് വേണ്ടി പ്രാര്‍ത്ഥിക്കാനുള്ളതാണ്‌
ഇനിയെനിക്കെന്‍റെ നിറങ്ങളില്ലാത്ത
ശിഷ്ട ജീവിതം ...
മരണപ്പെടുന്നവരുടെ ഉറ്റവര്‍ക്കാണ്
യഥാര്‍ത്ഥത്തില്‍ ജീവന്‍ നഷടമാകുന്നതെന്ന
നിന്‍റെ വാക്കുകള്‍
ഞാനുമിപ്പോള്‍ തിരിച്ചറിയുന്നു ...

6 comments:

  1. മരണമെന്നതോ നിത്യസത്യം

    ReplyDelete
  2. മരണപ്പെടുന്നവരുടെ ഉറ്റവര്‍ക്കാണ്
    യധാര്‍ത്ഥത്തില്‍ ജീവന്‍ നഷടമാകുന്നതെന്ന ...

    ReplyDelete
  3. എനിക്ക് മാത്രം അവകാശപ്പെട്ട
    നിനക്ക് വേണ്ടി പ്രാര്‍ത്ഥിക്കാനുള്ളതാണ്‌
    ഇനിയെനിക്കെന്‍റെ നിറങ്ങളില്ലാത്ത
    ശിഷ്ട ജീവിതം ...
    ഒന്നിലും നമുക്ക് ഒരവകാശവുമില്ല സലീം,ഒന്നിലും......

    ReplyDelete
    Replies
    1. ഒരാളുടെ മരണം അയാളെ അത്രമേല്‍ സ്നേഹിക്കുന്ന മറ്റൊരാളെ അത്രയ്ക്ക് ഒറ്റപ്പെടുത്തും ...നന്ദി രമേഷ് ജി ...

      Delete