ഹൃദയ താളം നിലച്ചാലെന്നെ നീ
സദയം ഓര്‍മ്മയില്‍ നിന്നു കളയണം
വെറുതെയെന്‍ ചിന്തയാലെന്‍ കളത്രമേ
ഉരുകി ഇലാതെയാവരുതെന്നും
ചെറു മെഴുതിരി പോലെയിപ്പാരില്‍.
പറയാതെ വയ്യ ഈ ജീവിതമെപ്പോഴും
പിരിയേണ്ടി വന്നിടും നമ്മളെന്നെങ്കിലും
അന്നാളിലുരുകി ഉലയാതിരിക്കുവാന്‍
ഇന്നേ കരുതണം ഉള്ളിലെന്‍ വാക്കുകള്‍.
എന്തിനു കണ്ണ് നിറയ്ക്കുന്നു തലേദരി
വേദാന്തമിതെന്തിനായ് എന്നു നിനച്ചുവോ
പൊറുക്കണം സഹിക്കണം അല്ലാതെന്തു ഞാന്‍
മരണക്കിടക്കയില്‍ നിന്നുരിയാടേണ്ടൂ....
ഓര്‍ത്തിട്ടശേഷവും വിചാരപ്പെടേണ്ടെടോ
സ്വര്‍ഗ്ഗത്തിലേക്കല്ലോ യാത്രയും പെണ്ണെ
നീയുമെന്‍ മക്കളും കൂടെയുണ്ടെങ്കിലെ -
നിക്കെല്ലാം തികഞ്ഞോരിടമല്ലോയവിടം
ചേരുമ്പോളാരും നിനക്കില്ലയോട്ടും
പിരിയെണ്ടാതാണൊരു നാളെന്ന സത്യം
മരണവിചാരത്താലാരുണ്ട് പത്നീ
നരനായി ജീവിപ്പതിങ്ങീ ഭൂമിയില്‍
ചേതനയറ്റുപോയ്‌ എന്നുറപ്പായാല്‍
വേദന തോന്നരുതൊട്ടും നിന്‍ ഹൃത്തില്‍
മക്കളെപ്പോറ്റണം വളര്‍ത്തിയാളാക്കണം
സങ്കടം കൂടാതെ വാഴണം ദീര്‍‍ഘനാള്‍..
No comments:
Post a Comment