ഇഷ്ട്ടമാണെന്നെ ഒറ്റവാക്ക് കൊണ്ട് കുത്തിനോക്കി
ഇടക്കെപ്പോഴോ നീയെന്‍റെ മനമളന്നു
തുഴ മുറിഞ്ഞൊരു തോണി യാത്രയുടെ പകുതിയില്‍
തീരമണയാനുള്ള ജീവന്‍റെ അടങ്ങാത്ത വ്യഗ്രതയില്‍
നീ എനിക്ക് നീട്ടിയ കച്ചിത്തുരുമ്പ്....
നിമിഷാര്‍ദ്ധം കൊണ്ട് മറന്നൊരു ഫലിത കഥ പോലെ
ദയയേതുമില്ലാതെ നീയിന്നത് തിരിച്ചെടുക്കുമ്പോള്‍
കരയാനാവാതെ കണ്ണീരൊളിപ്പിക്കേണ്ടി വന്നത്
ചെയ്തു കൂട്ടിയ പാപകര്‍മങ്ങളുടെ പ്രതിഫലം ..
ആശകള്‍ക്കൊരു അതിരുണ്ടാകേണ്ടതായിരുന്നു
അഭിനിവേശത്തിന്‍റെ മായക്കാഴ്ചയില്‍
കൈമോശം വന്ന ആഗ്രഹങ്ങള്‍
തിരിച്ചു കിട്ടാനാവാത്ത വിധം
അടയാളങ്ങളായി ജീര്‍ണ്ണിച്ചു തീര്‍ന്നിരിക്കുന്നു.
തീക്കൂനകള്‍ക്കിടയിലെക്കെന്നെ തള്ളിയിട്ടു നീ
തിരശ്ശീലയ്ക്കു പിറകില്‍ മറ്റൊരാളുടെ മനമളക്കുകയാണ്
എനിക്കെപ്പോഴോ കാച്ചിത്തുരുമ്പായ അതേ വാക്കുകൊണ്ട്
ഇഷ്ടമാണെന്ന ഒറ്റവാക്ക് കൊണ്ട് ....
പൊയ് വാക്ക്, പൊളിവാക്ക്
ReplyDeleteആശകള്‍ക്കൊരു അതിരുണ്ടാകേണ്ടതായിരുന്നു
ReplyDeleteഅഭിനിവേശത്തിന്‍റെ മായക്കാഴ്ചയില്‍ കൈമോശം വന്ന
ആഗ്രഹങ്ങള്‍ തിരിച്ചു കിട്ടാനാവാത്ത വിധം
അടയാളങ്ങളായി ജീര്‍ണ്ണിച്ചു തീര്‍ന്നിരിക്കുന്നു. Aashamsakal.