നാഥ നീയെന്‍ കൂടെ ഇല്ലാതിരുന്നി
ട്ടിത്പോലെ വേപഥു പൂണ്ടാതില്ലൊരു നാളും
എന്തിത്ര താമസം ഒന്നണഞ്ഞീടാ
നെന്തിത്ര സങ്കോചം ചാരത്തിരിപ്പാന്‍ ...
എത്ര നാള്‍ കൊണ്ടിതെഴുതുന്നു ഞാന്‍ നിന്‍
ചിത്രമെന്നന്തരഗത്തിന്‍ ഭിത്തിയില്‍
എന്തിതു തെളിയാത്തു നിന്‍ രൂപം വല്ലഭാ
വര്‍ണ്ണങ്ങളെത്ര ചേര്‍ത്തു ഞാനെങ്കിലും..
ചന്തമേവുന്ന ലോകത്തിലെനിക്ക് നീ
കാന്തനായി വന്നു ഭവിച്ചിടാന്‍
നേര്‍ച്ച നൊയമ്പുകള്‍ അതിനായിയെത്ര
ഉരുക്കഴിച്ചു ഞാന്‍ പ്രാര്‍ത്ഥനകളും..
നേര്‍ത്ത ജീവിതം പൊലിഞ്ഞൊടുവിലീ
പാരിലൊരു പിടി മണ്ണ് മാത്രമായ്
മാറും മുമ്പേ നീ തന്നു കനിയണം
ഓര്‍ത്ത്‌ വെച്ചിടാന്‍ നല്ലയോര്‍മ്മകള്‍
ഒമാനിച്ചിടാന്‍ കുഞ്ഞു സ്വപ്നങ്ങള്‍....!
No comments:
Post a Comment