അമ്പിളിമാമന്‍റെ വീട്ടില്‍
ആരോരുമറിയാത്ത നാട്ടില്‍
അഴകോലും താമര മൊട്ടുപോലെ
ആരോമല്‍ കാത്തിരിപ്പുണ്ടെന്നെ
അകിലിന്‍റെ മണമുള്ള പെണ്ണ്
അരുമയാം തക്കാളികവിള്
അലകളിളകുന്ന കണ്ണ്
അവളാണെന്‍ പൈങ്കിളി പെണ്ണ്
അവളോട്‌ കളിയൊന്നു ചൊന്നാല്‍
അറിയാതെ തുടുക്കുന്ന കവിളില്‍
അലിവോടെ ചുംബനമേകാന്‍
അധരങ്ങള്‍ തുടിച്ചിടും ചെമ്മേ
അറിയില്ലയെങ്ങനെ എന്‍റെ
അകതാരില്‍ പൂവിട്ടീ ചന്തം ,
അല്ലിമലരൊത്ത സ്വപ്നം
ആത്മാവിന്‍ സൌഭാഗ്യ മന്ത്രം .
അളക്കുവാനാവില്ല പ്രേമം,തെല്ലും
അണയ്ക്കുവാനാവില്ലീ സ്നേഹം.
അവിരാമം തുടരുവാനെന്നും
ആഗ്രഹിക്കുന്നോരീ സത്യം
No comments:
Post a Comment