സഖീ ..
പ്രണയിക്കാതിരിക്കാമായിരുന്നു
പക്ഷെ കഴിഞ്ഞില്ല ..
ചിലപ്പോഴെങ്കിലും
നാം മാത്രം വരയ്ക്കുന്നചിത്രങ്ങളല്ല
നമ്മുടെ ജീവിതം
മറ്റാരുടെയോ ചായക്കൂട്ടുകള്‍ക്ക്
പടരാന്‍ കൂടിയുള്ളതാണ്..
നിറക്കൂട്ടുകള്‍ തട്ടിമറിച്ച്
വസന്തം പടിയിറങ്ങിയിട്ടും
ഓര്‍മ്മയിലിപ്പോഴും അന്നു നാം കണ്ട
വര്‍ണ്ണസ്വപ്‌നങ്ങള്‍ പൂത്തു നില്‍ക്കുന്നു .
കണ്ണീരു നിറച്ചും കരള്‍ പുകച്ചും
കഴിഞ്ഞു പോയ കാലം
ഇന്നും നെഞ്ചു നീറ്റുന്നതറിയാന്‍
എനിക്കൊപ്പം ഈ കട്ടിക്കണ്ണടയും
പിന്നെയീ ചാരുകസേരയും മാത്രം ..
