മുഖം മറച്ച പെണ്കുട്ടിയുടെ
മുഖഭാവം ആരും അറിയുന്നില്ല ..
മുഖത്തേക്ക് നോക്കുമ്പോള്
മുനയോടിയുന്ന കാഴ്ച കാരണം
തുറിച്ചു നോക്കിയിട്ടും കാര്യമില്ല .
മൂക്കും ചുണ്ടും വായും നോക്കി
മുഖലക്ഷണം ചൊല്ലാന് വയ്യ ......
മറച്ചുവെക്കപ്പെട്ടത് ഗംഭീരമെന്നു ചൊല്ലി
മനം നിറക്കാമെങ്കിലും ,
മനക്കണ്ണില് തെളിയുന്നതുപോലെയെന്ന്
മുറിച്ചു പറയാനും വയ്യ ....
മധുമതികള് ഇവര്ക്കൊക്കെ എന്തുമാകാം...
മങ്ങിയതെങ്കിലും എല്ലാം കാണാം
മൂക്കും ചുണ്ടും വായും നോക്കാം
മുഖരേഖയപ്പാടെ വായിച്ചെടുക്കാം.
മനസ്സിലാകാത്ത ഒരു കാര്യമുണ്ട്
മത്തു പിടിച്ച നോട്ടമൊഴിവാക്കാന്
മുഖംമൂടി ധരിക്കുന്നവര്
മയ്യെഴുതി കറുപ്പിച്ച കണ്ണുകള് കൊണ്ട്
മുഖപടത്തിനു പിന്നിലിരുന്ന്,
നമ്മളെയിങ്ങനെ നോക്കാമോ ..?