കരവാളിനു മൂര്ച്ച കൂട്ടി
കാലത്തിന്റെ തിരശ്ശീലക്കു പിന്നില്
അവര് മറഞ്ഞിരിപ്പുണ്ട് ..
തിരി മുറിയാതെ പെയ്യുന്ന
കള്ള കര്ക്കിടകം കവര്ന്നെടുത്ത് ,
നിറ കതിര് വിളയുന്ന വയലേലകളില്
നിരാശയുടെ പതിര് നിറച്ച്,
നീര്ചാലുകളുടെ നിറമാറില് നിന്ന്
മജ്ജയും മാംസവും ഊറ്റിയെടുത്ത്,
കൊലമരമൊരുക്കി, കൊലക്കയര് കെട്ടി
അവര് മറഞ്ഞിരിപ്പുണ്ട്...
എല്ലാ വഴികളും അടച്ചു കെട്ടി അവര്
മരണത്തിലേക്ക് നമ്മെ നയിക്കും മുന്പ്
നാം രക്ഷപ്പെടുവതെങ്ങനെ ..?