.

Pages

Wednesday, August 29, 2012

നിള

നിള.....
വരള്‍ച്ചയുടെ തേങ്ങലുകള്‍
കരളില്‍ സൂക്ഷിച്ച്
ഇടവവും കര്‍ക്കിടകവും പെയ്തു തീര്‍ന്നിട്ടും
ഇനിയുമൊരു പേമാരിക്കായി
വെറുതെ കാത്തിരിപ്പവള്‍....

നിറ വര്‍ഷത്തിലെങ്കിലും
ഉന്മാദത്താല്‍ കലങ്ങിമറിയാന്‍
ഒരിക്കലെങ്കിലും കഴിയുമെന്നോര്‍ത്ത്
പ്രതീക്ഷയോടെ നോമ്പ് നോറ്റിരപ്പവള്‍.....

മെലിഞ്ഞുണങ്ങി മരിക്കുമ്പോഴും
തന്‍റെ നെഞ്ചു ചുരണ്ടിയെടുക്കുന്നവരെ
അരുതെന്ന് ചൊല്ലി വിലക്കാനാവാതെ
മൂകം വിലപിക്കുന്നവള്‍.....

ഞാറ്റുവേലകളെ  പിഴുതെറിഞ്ഞ്
ൠതു ഭേദങ്ങള്‍ നില മറന്നാടിയിട്ടും
പശ്ചാത്തപിക്കാത്ത മനുഷ്യകുലത്തിന്‌
നിളേ........നിന്നേക്കുറിച്ചോര്‍ക്കാന്‍
എവിടെയുണ്ട് നേരം..!

2 comments:

  1. വളരെ നല്ല കവിത. നാം മലയാളികള്‍ ഈ തിരക്കിന്നിടയില്‍ ഒരുവേള തിരിഞ്ഞൊന്നു നോക്കിയെങ്കില്‍.

    ReplyDelete
  2. ഞാറ്റുവേലകളെ പിഴുതെറിഞ്ഞ്
    ൠതു ഭേദങ്ങള്‍ നില മറന്നാടിയിട്ടും
    പശ്ചാത്തപിക്കാത്ത മനുഷ്യകുലത്തിന്‌
    നിളേ........നിന്നേക്കുറിച്ചോര്‍ക്കാന്‍
    എവിടെയുണ്ട് നേരം..!...സലിം ബായ്... സുപ്പെര്‍ ആയിട്ടുണ്ട്‌

    ReplyDelete