.

Pages

Thursday, August 23, 2012

മെഴുകുതിരി

എന്‍റെ മധുമൊഴിയുടെ
നേര്‍ത്ത കുറുകലിലായിരിക്കണം
നിന്‍റെ മിഴികള്‍ പാതിയടഞ്ഞത്  ...

എന്‍റെ കൈവിരലുകളുടെ
നനുത്ത തലോടലിലായിരിക്കണം
നീ മയങ്ങിപ്പോയത് ..

കനലുകളെക്കാള്‍ ചൂടുള്ള
നിശ്വാസത്തിലായിരിക്കണം
പിന്നെ നീ വീണ്ടും ഉണര്‍ന്നത് ..

ഇഴുകിച്ചേരലിനു മുന്‍പ്
നിന്‍റെ കണ്ണുകള്‍ നിറയുന്നത്
ഞാനറിഞ്ഞെങ്കിലും
നിറഞ്ഞ കണ്ണുകള്‍ ആനന്ദത്തിന്‍റെ
തിരു ശേഷിപ്പുകളാണെന്ന്
ഞാന്‍ കരുതി ..

ഇപ്പോള്‍ ഞാനറിയുന്നു സഖീ
അരുതെന്ന് ചൊല്ലി വിലക്കാനാവാതെ,
എന്നെ പിണക്കാനാവാതെ
നീ സ്വയമൊരു മെഴുകുതിരിയായി
ഉരുകിത്തീരുകയായിരുന്നുവെന്ന്..

ഇത്രമാത്രം സ്നേഹം നീ
ആരും കാണാതെ ഒളിച്ചു വെച്ചത്
ഞാനറിയാതെ പോയല്ലോ ...

3 comments:

  1. ഇപ്പോള്‍ ഞാനറിയുന്നു സഖീ
    അരുതെന്ന് ചൊല്ലി വിലക്കാനാവാതെ,
    എന്നെ പിണക്കാനാവാതെ
    നീ സ്വയമൊരു മെഴുകുതിരിയായി
    ഉരുകിത്തീരുകയായിരുന്നുവെന്ന്..

    സ്ത്രീ സര്‍വ്വം സഹ. നല്ല വരികള്‍.

    ReplyDelete
  2. നല്ല വരികള്‍.
    ഓണാശംസകള്‍

    ReplyDelete
  3. snehicha manassukaley onnu ulakkunna varikal.....oru nombaramulavaakkunna varikal

    ReplyDelete